كشفت الفنانة حورية فرغلي تفاصيل إجرائها 4 عمليات تجميل في أنفها بالولايات المتحدة، وذلك في أول تصريحات لها بعد عودتها لمصر.

وقالت فرغلي، خلال حوارها مع برنامج «تحت الشمس»: «الإصابة ابتدت منذ 9 سنوات، كنت في منتخب مصر للفروسية، والحصان وقع فوقيا وكسرلي مناخيري تماما».

أضافت: «رحلة علاجي مرت على بلاد كتيرة أوي، زي فرنسا والنمسا وبريطانيا والسويد والدنمارك وغيرها، لحد ما وصلت أمريكا».

تابعت: «في أمريكا اتقالي إن عمليتي صعبة جدا من كتر العمليات اللي عملتها، كنت عملت 11 عملية قبل ما أروح أمريكا، وكتر العمليات طبعا بوظت الدنيا أكتر، الدكتور قالي لازم تقعد معايا هنا 4 شهور لأني عملت العملية على 4 مرات».

استطردت: «خلال الـ4 شهور دول كنت باخد جلسات أكسجين كل يوم، لأن الدم مكنش واصل للمناخير. أول عملية أخدت 11 ساعة تقريبا، وكانت مؤلمة جدا، والاتنين اللي بعدها كانوا عاديين، والرابعة ودوني المستشفى كذا مرة ورجعت عشان مكنوش لاقيين العروق في جسمي خالص».


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *